Jab mein chota baccha tha, mein badi shararat karta tha. A happy small story of an advocate.
Aur aaj jab mein bada ho gaya hoon… tab bhi shararat karta hoon — bas scale aur section badal gaye hain 😜
Bachpan mein shararat ka matlab tha school mein last bench, homework ka bahana, aur har ladai mein beech mein ghus jana. Tab log haste hue kehte the –
“Zyada vakil na ban, apne dost ka!”
Kya pata tha ki yahi dialogue ek din life ka tagline ban jayega.
Sach toh yeh hai ki bachpan se hi aadat thi – jo bol nahi paata tha, uske liye bolna. Jo kamzor lagta tha, uske saath khade rehna. Teachers ke saamne dost ki taraf se safai dena, mummy ke saamne bhai ke case ka defence karna – sab bina fees ke, pro bono 😄
Phir waqt badla.
Uniform badli.
Shararat badhi… par legal ho gayi.
Aaj wahi bachcha jab bada hua, toh clients bhi bade ho gaye. Ab hum sirf school ke dost nahi, balki small clients, big clients, criminals, gangsters, politicians, police officers, aur kabhi-kabhi judges bhi handle karte hain 🤪
Bas farq itna hai ki ab shararat ko hum “legal strategy” kehte hain.
Court mein khade hokar jab judge poochte hain –
“Counsel, aap kya kehna chahte hain?”
Toh dil hi dil mein wahi bachpan wali awaaz aati hai –
“Milord, mere dost ka intention galat nahi tha…” 😇
Irony dekhiye –
“Kya se kya ho gaya, dekhte dekhte.”
Jo kal tak “zyaada vakil na ban” sunta tha,
Aaj log izzat se kehte hain –
✌️ “Vakeel Sahab” ✌️
Law life bhi kamaal ki hai. Kabhi client sach bolta hai, kabhi sach ko thoda “polish” karna padta hai. Kabhi dates pe dates, kabhi stay pe stay. Kabhi case jeet kar hero, kabhi adjournment ke baad zero. Par ek cheez common hai – story har case mein hoti hai, aur vakil hamesha narrator hota hai.
Toh haan, shararat ab bhi hai.
Bas ab notebook ki jagah case file hai,
Aur teacher ki jagah judge sahab.
Aur shayad isi liye kehte hain –
Vakil paida nahi hote, bachpan se hi bante hain. 😄⚖️
📞 Contact Advocate in Dwarka Court
Advocate Ankit Gaurav Kainth
⚖️ Practising in Dwarka Court, Sector-10, Delhi
📱 Mobile: 9899085554 | 9811885554
📍 Chamber & Office: Dwarka Court Complex, Sector-10
📩 Consult today for honest legal guidance backed by 18+ years of courtroom
https://www.linkedin.com/embed/feed/update/urn:li:share:7419410280381669377?collapsed=1
https://share.google/rRZS52sNjtzAEHOrE
Add a Comment